Thursday, March 09, 2006

hindi poem- Sapno ki maut

Sapno ki maut

Aaj phir ek sapna dekha maine,
phir chal pada, phir zinda ho gaya.
Khana kya thoda sa kha liya,
pairon mein jaan aagayi,
aankhon me roshni aagayi.
Dil phir se dhadakne laga,
maut mujhse dur jane lagi.

Khone ke liye kuch bhi nahin he aaj,
sab kuch kho chuka, sab dur ho gaye,
siwaye mere sapno ke. Aaj
sochta hoon aur sapne dekhunga,
bharta jaoonga unhe,
jab tak meri saans na ghutne lage,
purane sapno ke laashon ka bojh
badhata jaoon aaj,
jab tak naye paida hone se pehle
na marne lage.
Kya yeh chote chote sapne mere
ladhpayenge zindagi se.
Kehte he ki sapne kabhi marte nahin.
Jab zindagi dilon ko rondh deti he haqeeqat se,
tab najaane kitne sapne pighal kar beh jaate he
aankhon se. Mere itne sare sapne.
aur yeh mera dil jo pista raha pehle hi din se.
kabhi maa ne to kabhi baap, kabhi bhai to kabhi behen,
dushmano ne to apna kaam kiya, dosto ne bhi haath bataya .
Kya yeh mere itne sare sapne aankhon me reh payege.

Aaj phir se maine dadi banali,
jo mujhe apne aap gherne aaye the,
unhe ek shishe me dekh kar hatadiya.
Mere kuch naye sapno ko samne lakar
phirse ek mukhota pehenliya maine.
Woh nahin dekh payenge mujhme in laashon ko.
Mere aankhon se kehdiya maine, woh dekh na paye
Ek sapno ka khooni ke aankhon me woh aakar basey hain.
Woh aaye bhi, aur chale gaye . Saath mein kuch sapno ko ghasithke le gaye.
Baki jo the mein utha laya.Gala ghont hi raha tha ki woh mera gala pakad liye.
Mujhse bole, chal, khana kha, shaving kar,
ek din hum teri zindagi mein aayege, hame mat maar.
Aaj phir ek sapna dekha maine....